கிணத்துக்கடவு தினசரி காய்கறி மார்க்கெட்டில் நேற்று செவ்வாழை (கிலோ) --- 65, நேந்திரன் --- 45, ரஸ்தாளி --- 40, பூவன் --- 35, சாம்பிராணி வகை வாழைத்தார் --- 45 மற்றும் கதளி --- 42 ரூபாய்க்கு விற்பனை ஆனது.

கடந்த வாரத்தை காட்டிலும், தற்போது செவ்வாழை கிலோ -- 15 மற்றும் கதளி --- 2 ரூபாய் விலை அதிகரித்துள்ளது. ரஸ்தாளி மற்றும் சாம்பிராணி வகை வாழைத்தார் -- 5 ரூபாயும், பூவன் -- 5 முதல் 15 ரூபாயும், நேந்திரன் --- 15 ரூபாய் விலை குறைந்துள்ளது.

வியாபாரிகள் கூறுகையில், 'ஓணம் பண்டிகையை முன்னிட்டு, வாழைத்தார்களுக்கு அதிகபட்ச விலை கிடைக்கும் என, விவசாயிகள் எதிர்பார்த்திருந்தனர். ஆனால் ஒரு சில வாழை ரகங்கள் விலை மட்டுமே உயர்ந்தது. குறிப்பாக, நேந்திரன் வாழைத்தார் விலை சரிந்ததால், விவசாயிகள் ஏமாற்றமடைந்தனர்,' என்றனர்.