சென்னை ஜே.பி.ஆர்., பல்கலையில், தென் மண்டல பல்கலைகளுக்கு இடையே, பெண்களுக்கான வாலிபால் போட்டி, ஐந்து நாட்கள் நடந்தது. இதில், 74 பல்கலை அணிகள் பங்கேற்றன. பாரதியார் பல்கலை அணி, கோனேரு லக் ஷமய்யா கல்வி நிறுவனத்தை, 25-2, 25-5, 25-3 என்ற புள்ளி கணக்கில் வென்றது.

தொடர்ந்து, தெலுங்கானா கே.என்.ஆர்., ஹெல்த் சயின்ஸ் பல்கலையை, 25-2, 25-0, 25-0 என்ற புள்ளி கணக்கிலும், மகாத்மா காந்தி பல்கலையை, 25-10, 25-0, 25-0 என்ற புள்ளி கணக்கிலும், கர்நாடக மாநிலம் அக்காமஹாதேவி பெண்கள் பல்கலையை, 25-3, 25-5, 25-5 என்ற புள்ளி கணக்கிலும் வென்றது.

காலிறுதிக்கு முந்தைய சுற்றில், பாரதிதாசன் பல்கலையை, 25-12, 25-14, 25-8 என்ற புள்ளி கணக்கில் வென்றது.

காலிறுதிப் போட்டியில், கோழிக்கோடு பல்கலையுடன், பாரதியார் பல்கலை மோதியது. நிறைவில், 25-19, 25-20, 25-17 என்ற புள்ளிக்கணக்கில், பாரதியார் பல்கலை அணியினர் போராடி தோற்றனர்.

வரும் போட்டிகளில் பயிற்சியை மேலும் தீவிரப்படுத்த, பல்கலை உடற்கல்வி துறை முடிவு செய்துள்ளது.