கிணத்துக்கடவு, ஏழூரில் 400க்கும் மேற்பட்ட மக்கள் வசிக்கின்றனர். மேலும், இங்கு தனியார் கல்லூரி, நிறுவனங்கள் அமைந்துள்ளது. இப்பகுதி மக்கள் நலன் கருதி, இங்கு நிழற்கூரை அமைக்க முடிவு செய்யப்பட்டது.

இதற்காக, கிணத்துக்கடவு எம்.எல்.ஏ., தாமோதரன் தொகுதி மேம்பாட்டு நிதியிலிருந்து, 5 லட்சம் ரூபாய் நிதி ஒதுக்கீடு செய்யப்பட்டது.

இதற்கான பூமி பூஜை நேற்று நடந்தது. நிகழ்ச்சியில், நிழற்கூரை அமைக்கும் பணியை எம்.எல்.ஏ., தாமோதரன் துவக்கி வைத்தார். கிணத்துக்கடவு முன்னாள் எம்.எல்.ஏ., சண்முகம், கட்சி நிர்வாகிகள், பொதுமக்கள் பங்கேற்றனர்.