தொண்டாமுத்துார்;கோவை தெற்கு மாவட்ட பா.ஜ., சார்பில், தேர்தல் வாக்குறுதிகளை நிறைவேற்றாத தி.மு.க.,வை கண்டித்து, கண்டன ஆர்ப்பாட்டம் தொண்டாமுத்தூரில் நேற்று நடந்தது. இந்த ஆர்ப்பாட்டத்திற்கு, பா.ஜ., தெற்கு மாவட்ட தலைவர் வசந்தராஜன் தலைமை வகித்தார். இதில், நீட் விலக்கு, மது ஒழிப்பு, பொங்கலுக்கு 5000 ரூபாய் பணம், கல்வி கடன் ரத்து போன்ற தேர்தல் வாக்குறுதிகளை நிறைவேற்றாத தி.மு.க.,வை கண்டித்து, கோஷங்கள் எழுப்பினர். தொடர்ந்து, வாக்குறுதிகளை நிறைவேற்றாமல் மக்களுக்கு தி.மு.க., அல்வா கொடுத்ததாகக்கூறி, பா.ஜ.,வினர் பொதுமக்களுக்கு அல்வா கொடுத்து ஆர்ப்பாட்டம் நடத்தினர். இதில், ஒன்றிய தலைவர் பிரபு, மாநில ஊடகப்பிரிவு செயலாளர் பிரேம்குமார் உள்ளிட்ட பலர் கலந்து கொண்டனர்.