விழாவை ஒட்டி, பெருமாள் சிம்ம வாகனத்தில் யோக நரசிம்மர் அலங்காரம், முத்து பந்தலில் முத்தங்கி அலங்காரம், அனுமந்த வாகனத்தில் ஸ்ரீராமர் அலங்காரத்தில் எழுந்தருளினார். தொடர்ந்து, திருக்கல்யாண உற்சவம், யானை வாகன நிகழ்ச்சிகள் நடந்தன. நேற்று முன்தினம் மாலை, 6:00 மணிக்கு திருத்தேர் விழா நடந்தது.

நேற்று மாலை, 6:00 மணிக்கு குதிரை வாகனம், பரிவேட்டை நிகழ்ச்சிகள் நடந்தன. இன்று மாலை சேஷ வாகனத்தில், வைகுண்ட நாதன் அலங்காரத்தில் பெருமாள் எழுந்தருளுகிறார். இரவு, 8:00 மணிக்கு தெப்பத்தேரும், 15ம் தேதி மாலை, 6:00 மணிக்கு பல்லக்கு சேவை, சந்தன சேவை, தீர்த்தவாரியும் நடக்கிறது.

விழாவை ஒட்டி, திவ்ய பிரபந்த சேவா காலம் தினமும் மதியம், 2:00 மணி முதல், 6:00 மணி வரை கோவில் வளாகத்தில் நடக்கிறது.

நிகழ்ச்சி ஏற்பாடுகளை கோவில் நிர்வாகத்தினர் செய்து வருகின்றனர்.