கோவை மாவட்ட கால்பந்து சங்கம் சார்பில், மாவட்ட அளவிலான கால்பந்து லீக் போட்டி, நவக்கரை ஏ.ஜே.கே., கலை அறிவியல் கல்லுாரியில் நடக்கிறது. நேற்று முன்தினம் மாலை நடந்த முதல் லீக் போட்டியில் ஏ.ஜே.கே., ஸ்ட்ரைக்கர்ஸ் அணி, 1 - 0 என்ற கோல் கணக்கில் நெய்விலை எப்.சி., அணியை வீழ்த்தியது. ஏ.ஜே.கே., அணியின் சித்தார்த் 25வது நிமிடத்தில் கோல் அடித்து, அணியின் வெற்றிக்கு உதவினார்.

மற்றொரு போட்டியில், காட்டூர் ரீகிரியேஷன் கிளப் அணி 1 - 0 என்ற கோல் கணக்கில் இந்து முஸ்லிம் கால்பந்து கிளப் அணியை வீழ்த்தியது. காட்டூர் அணியின் யஷ்வந்த் 57வது நிமிடத்தில் கோல் அடித்தார்.