மேட்டுப்பாளையம் அடுத்த வெள்ளிப்பாளையம் அருகில் சென்னாமலை கரட்டில் கடந்த சில நாட்களுக்கு முன், கன்றுக்குட்டியை சிறுத்தை தாக்கி கொன்றது.

இதையடுத்து, அப்பகுதியில் சிறுத்தையை பிடிக்க சிறுமுகை வனத்துறை சார்பில் கூண்டு வைக்கப்பட்டுள்ளது. 2 நாட்களுக்குள் சிறுத்தை சிக்கவில்லை என்றால் வெவ்வேறு இடங்களில் கூண்டை மாற்றி வைத்து, சிறுத்தையை பிடிக்க வனத்துறையினர் திட்டமிட்டுள்ளனர். அத்துடன் பல்வேறு இடங்களிலும் கண்காணிப்பு கேமராக்கள் பொருத்தவும் முடிவு செய்யப்பட்டுள்ளது.

இதுகுறித்து சிறுமுகை வனச்சரகர் மனோஜ் கூறுகையில், ''சிறுத்தைக்கு வைக்கப்பட்டுள்ள கூண்டில் 2 நாட்களுக்குள் சிறுத்தை சிக்கவில்லை என்றால், கூண்டை வேறு இடத்தில் மாற்றி வைப்போம்.

ஒரே இடத்தில் சிறுத்தை சுற்றி திரியாது. வெள்ளிப்பாளையத்தை சுற்றி பல இடங்களில் கேமராக்கள் வைக்க முடிவு செய்யப்பட்டுள்ளது,'' என்றார்.