கணபதி ஹோமம், விக்னேஸ்வர பூஜை, தன பூஜை, சர்வதேவதா ஹோமம், தீபாராதனை, தீர்த்தக்குடம் எடுத்து வருதல், தீர்த்தகுடங்கள் வழிபாடு நடந்தது. மாலை, முதல் கால யாகசாலை பூஜை நடந்தது.

நேற்று அதிகாலை, 4:00 மணிக்கு, இரண்டாம் கால யாகசாலை பூஜை நடந்தது. காலை, 6:15 மணிக்கு, யாக சாலை மண்டபத்தில் இருந்து, கலசகுடங்கள் புறப்பாடு நடந்தது.

காலை, 7:00 மணிக்கு, மங்கள வாத்தியங்கள் முழங்க, சிவனடியார்கள் தலைமையில், விமான கலசங்கள், குழந்தை வேலாயுதசுவாமி மற்றும் பரிவார மூர்த்திகளுக்கு மஹா கும்பாபிஷேகம் நடந்தது. தொடர்ந்து, வேலாயுதசுவாமிக்கு சிறப்பு அபிஷேகம் மற்றும் பூஜை நடந்தது.

ஏராளமான பக்தர்கள் பங்கேற்றனர்.