கஞ்சா விற்ற இருவர் கைது

ரேஸ்கோர்ஸ் போலீசார் ஆவாரம்பாளையம், கே.கே.நகர் பகுதியில் ரோந்து சென்றனர். அப்போது அங்கு நின்றிருந்த இருவரிடம் விசாரித்தனர். அவர்கள் முன்னுக்கு பின், முரணாக பதில் அளித்ததால் போலீசார் அவர்களிடம் சோதனை நடத்தினர். அப்போது, அவர்கள் கஞ்சா வைத்திருப்பது தெரியவந்தது. விசாரணையில் அவர்கள் அசாம் மாநிலத்தை சேர்ந்த நிபாஷ், 23 மற்றும் நோபா டோலி, 21 ஆகியோர் என்பது தெரிந்தது. இருவரையும் கைது செய்த போலீசார்,அவர்களிடம் இருந்து 1.260 கிலோ கஞ்சா, 25 ஜிப் லாப் கவர் உள்ளிட்டவற்றை பறிமுதல் செய்தனர்.