குளத்தில் விழுந்து பெண் பலி

கோவை குனியமுத்துாரை சேர்ந்தவர் அஜிமா, 56. கடந்த சில மாதங்களாக மனநலம் பாதிக்கப்பட்டிருந்தார். கடந்த 8-ம் தேதி வெளியில் சென்ற அஜிமா வீடு திரும்பவில்லை. பல்வேறு பகுதியில் தேடியும், கிடைக்கவில்லை. இதுகுறித்து அவரது மகள் கரும்புக்கடை போலீசாரிடம் புகார் அளித்தார். போலீசார் விசாரணை நடத்தி வந்த நிலையில், குறிச்சி குளத்தில் அடையாளம் தெரியாத பெண் ஒருவர் இறந்து கிடப்பதாக, போலீசாருக்கு தகவல் கிடைத்தது. விசாரணையில், குளத்தில் மூழ்கி இறந்த பெண் அஜிமா என தெரிந்தது. வழக்கு பதிந்த போலீசார் விசாரிக்கின்றனர்.