ஆறு மாத கெடு முடிந்த ரவுடிகள் பலர், கோவைக்கு திரும்பி வந்துள்ளனர். அவர்கள் மீண்டும் குற்றச்செயல்களில் ஈடுபடுவதை தடுக்க, பிணைய பத்திரம் பெறும் நடவடிக்கையை, மாநகர போலீசார் துவக்கியுள்ளனர்.

போலீஸ் கமிஷனர் சரவணசுந்தர் கூறுகையில், ''மாநகரில், 24 மணி நேர கண்காணிப்பு தவிர, நுண்ணறிவு போலீசாரும் ரகசிய கண்காணிப்பில் ஈடுபட்டு வருகின்றனர்.

கோவைக்குள் வந்துள்ள பழைய ரவுடிகளிடம், 'குற்றச்செயல்களில் ஈடுபட மாட்டேன்' என, பிணைய பத்திரம் வாங்கப்படுகிறது. பிணைய பத்திரம் வழங்கியவர்கள் மீண்டும் ஏதாவது குற்றச்செயல்களில் ஈடுபட்டால், உடனடியாக கைது செய்யப்படுவர்,'' என்றார்.