- பாலாஜி, கூட்செட் ரோடு.

சீரமைக்கப்படாத ரோடு

ரத்தினபுரி, சாதிக்பாட்சா வீதியில், குடிநீர் குழாய் பதிக்க தோண்டப்பட்ட பள்ளம், பணிமுடிந்தும் சரிசெய்யவில்லை. பள்ளங்களால் அடிக்கடி விபத்து ஏற்படுகிறது.

- பாலு, ரத்தினபுரி.

குடிமன்களின் கூடாரம்

துடியலுார் பேருந்து நிறுத்தத்தில், பயணிகள் இருக்கையில் உட்கார முடியவில்லை. மதுபானம் அருந்திவிட்டு சிலர் நாள் முழுவதும், இருக்கையில் படுத்து உறங்குகின்றனர். பேருந்து நிறுத்தம் முழுவதும் அச்சுத்தமாக இருக்கிறது. அதிகாரிகள் தகுந்த நடவடிக்கை எடுக்க வேண்டும்.

- மனோகரன், துடியலுார்.

நிரம்பி வழியும் தொட்டிகள்

வடவள்ளி, மகாராணி அவென்யூவில் உள்ள பகுதிகளில் கடந்த 15 நாட்களாக குப்பையை அகற்றவில்லை. தொட்டிகளில், குப்பை நிரம்பி வழிகிறது. குடியிருப்பு பகுதி முழுவதும் கடும் துர்நாற்றம் வீசுகிறது. பலமுறை புகார் செய்தும் நடவடிக்கை எடுக்கவில்லை.

- சுதர்சனம், வடவள்ளி.

கடும் துர்நாற்றம்

துடியலுார், மேட்டுப்பாளையம் ரோடு, ஆஞ்சநேயர் கோவில், விஸ்வநாதபுரம் அருகே, வாய்க்காலில் கழிவுநீர் விடப்படுகிறது. திறந்தநிலையில் செல்லும் கழிவுநீரால், அருகிலுள்ள குடியிருப்பு பகுதி முழுவதும் கடும் துர்நாற்றமும், சுகாதார சீர்கேடும்ஏற்படுகிறது.

- வெங்கட்நாராயணன், துடியலுார்.

நோய்த்தொற்று அபாயம்

குறிச்சி ஹவுசிங் யூனிட், பேஸ் - 1 பகுதியில் உள்ள சாக்கடை கால்வாய் சரிவர துார்வாருவதில்லை. கால்வாய் முழுவதும் குப்பை அடைத்து நிற்கிறது. கால்வாயின் இருபுறமும் களைச்செடிகள் அடர்த்தியாக வளர்ந்துள்ளது. கொசுப்புழுக்கள் உற்பத்தி அதிகளவில் இருப்பதால், நோய்கள் ஏற்படும்அபாயம் உள்ளது.

- அருள் முருகன், குறிச்சி.

சேறும், சகதியுமான ரோடு

செங்காளிபாளையம், விஜய் மில் எதிரே, நியூ பாலாஜி நகர் பேஸ் - 1 பகுதியில், இதுவரை சாலை வசதி அமைக்கவில்லை. மழைக்காலத்தில் மண் சாலை முழுவதும் சேறும், சகதியுமாக இருக்கிறது. வாகனங்களின் சக்கரங்கள் அடிக்கடி சேற்றில் மாட்டுகின்றன.

- தங்கவேல், செங்காளிபாளையம்.

7. போக்குவரத்து பாதிப்பு

கணபதி, 20வது வார்டு, பாரதி நகர், எப்.சி.ஐ., சாலையிலிருந்து போலீஸ் குடியிருப்பு செல்லும் வழியில், சாலையின் இருபுறமும் தனியார் வாகனங்கள் நிறுத்தப்படுகின்றன. வாகனஓட்டிகளுக்கு மிகவும் இடைஞ்சலாக உள்ளது. மாலை நேரங்களில் போக்குவரத்து பாதிப்பும் ஏற்படுகிறது.

- ராஜா, கணபதி.

இடிந்த சாக்கடை

கோவை மாநகராட்சி, 19வது வார்டு, அலமேலு மங்காபுரம், மூன்றாவது வீதியில், பழையசாக்கடையின் சுற்றுச்சுவர் முழுவதும், இடிந்த நிலையில் உள்ளது. சாக்கடை கால்வாயும் சரிவர துார்வாருவதில்லை. கழிவுநீர் தேங்கி கடும் துர்நாற்றம் வீசுகிறது. குழந்தைகள் அடிக்கடி காய்ச்சல் பாதிப்புக்குள்ளாகின்றனர்.

- ராதிகா, மங்காபுரம்.

நோய்த்தொற்று அபாயம்

போத்தனுார், ஜோதி நகர், இரண்டாவது தெருவில் சாலையோரம் அடர் புதர் வளர்ந்துள்ளது. கால்வாய் சரிவர துார்வாராததால், கழிவுநீர் தேங்கி நிற்கிறது. சுகாதாரமற்ற சூழலால், நோய்த் தொற்று ஏற்படும் அபாயமும் உள்ளது.

- உமா மகேஸ்வரி, போத்தனுார்.