அன்னூர் ஒழுங்குமுறை விற்பனை கூடத்தில், வேளாண் விளைபொருட்கள் ஏல விற்பனை நடந்தது. இதில் 5 ஆயிரத்து 683 தேங்காய்கள் விற்பனைக்கு வந்திருந்தன.

ஒரு கிலோ தேங்காய் குறைந்தபட்சம் 63 ரூபாய் 71 பைசா முதல், அதிகபட்சம் 69 ரூபாய் 29 பைசாவுக்கு விற்பனையானது. கடந்த வாரத்தை விட ஒரு கிலோவுக்கு மூன்று ரூபாய் கூடுதலாக விலை கிடைத்துள்ளது.

தேங்காய் கொப்பரை 42 மூட்டைகள் விற்பனைக்கு வந்திருந்தன. குறைந்தபட்சம் ஒரு கிலோ 144 ரூபாய் முதல் அதிகபட்சம் 235 ரூபாய்க்கு விற்பனையானது. தேங்காய் தொட்டி ஒரு கிலோ 27 ரூபாய் 58 பைசாவுக்கு விற்பனையானது. ஏலத்தில் 28 விவசாயிகள் பங்கேற்றனர்.