பெரியநாயக்கன்பாளையம் வட்டாரம், தோட்டக்கலைத்துறை, பாலமலை உழவர் உற்பத்தியாளர் நிறுவனம் மற்றும் ஈஷா அவுட்ரீச் சார்பாக தென்னை சாகுபடி மற்றும் பயிர் பாதுகாப்பு குறித்த கருத்தரங்கம் சோமையனுார் நல்லா கவுண்டர் தோட்டத்தில் இன்று காலை, 9:00 மணி முதல், 12:00 மணி வரை நடக்கிறது.

கருத்தரங்கில் தென்னையில் அதிக பாதிப்பை ஏற்படுத்தும் வெள்ளை ஈ மற்றும் வேர்வாடல் நோய் கட்டுப்படுத்தவும் வராமல் தடுப்பது குறித்து தென்னை வளர்ச்சி வாரியம், தென்னை ஆராய்ச்சி நிலையம் சார்ந்த விஞ்ஞானிகள் வாயிலாக பயிற்சியும், செயல்முறை விளக்கமும் வழங்கப்படுகிறது. இதில், விவசாயிகள் பங்கேற்று பயன்பெற அழைப்பு விடுக்கப்பட்டுள்ளது.