அன்னுார் ஒழுங்குமுறை விற்பனை கூடத்தில் நேற்று வேளாண் விளை பொருட்களின் வாராந்திர ஏல விற்பனை நடந்தது. இதில் விவசாயிகள் மற்றும் வியாபாரிகள் பங்கேற்றனர். இதில் 3 ஆயிரத்து 692 கிலோ எடையுள்ள, 9 ஆயிரத்து 794 தேங்காய்கள் விற்பனைக்கு வந்திருந்தன. இதன் மதிப்பு 2 லட்சத்து 30 ஆயிரம் ரூபாய் ஆகும். ஏலத்தில் தேங்காய் ஒரு கிலோ குறைந்தது 58 ரூபாய் 60 காசு முதல், அதிகபட்சம் 66 ரூபாய் 26 காசு வரை விற்பனையானது. தேங்காய் கொப்பரை 227 கிலோ ஏலத்துக்கு வந்திருந்தது. குறைந்தபட்சம் ஒரு கிலோ 170 ரூபாய் 89 பைசா முதல், அதிகபட்சமாக 225 ரூபாய் 50 காசுக்கு விற்பனையானது. தொடர்ந்து தேங்காய்க்கு நல்ல விலை கிடைப்பதால் தென்னை விவசாயிகள் மகிழ்ச்சி தெரிவித்தனர்.

இத்தகவலை கோவை விற்பனை குழு முதுநிலை செயலாளர் ஆறுமுக ராஜன் தெரிவித்தார்.