பேரவை மாநில அமைப்பாளர் தெய்வசிகாமணி தலைமை வகித்தார். மாநில தலைவர் தட்சிணாமூர்த்தி முன்னிலை வகித்தார்.கூட்டத்தில் நிறைவேற்றப்பட்ட தீர்மானங்கள்:பள்ளிப்படிப்பு முடித்த ஆதிதிராவிடர், பழங்குடியினர், அருந்ததியர், மிகவும் பிற்படுத்தப்பட்ட பிரிவை சேர்ந்த மாணவர்கள் மேற்படிப்பை தொடர முடியாத நிலையில் உள்ளனர்; ஒரு சதவீதத்தினர் மட்டுமே மேற்படிப்பை தொடர்கின்றனர்.அடிப்படைத் தேவையான கல்வி அனைவருக்கும் கிடைக்க வேண்டும்; அனைத்து தரப்பு மாணவர்களும் கல்வி கற்பதற்கான வாய்ப்பை அரசு ஏற்படுத்தித்தர வேண்டும். மாணவர்களுக்கு கல்விக்கடன் உதவி வழங்க வேண்டும். இதை வலியுறுத்தி, வரும் ஆக., 12ம் தேதி கோவையில் ஒருநாள் உண்ணாவிரத போராட்டம் நடத்துவது என்பது உள்ளிட்ட பல்வேறு தீர்மானங்கள் நிறைவேற்றப்பட்டன.