ஆண்டுதோறும் இந்தியா, நேபாளம், இலங்கை, பாகிஸ்தான் உள்ளிட்ட தெற்கு ஆசியா நாடுகளில் உள்ள பள்ளிகள் அளவில் 'ஹார்லிக்ஸ் விஸ் கிட்ஸ்' எனும் போட்டியை'கிரேயான்' நடத்தி வருகிறது. இதில் பள்ளி குழந்தைகள் தங்கள் தனித்திறமைகளை வெளிப்படுத்தும் வண்ணம் போட்டிகள் இருக்கும். இறுதிப் போட்டியில் வெல்பவர்களுக்கு நான்கு லட்சம் கல்வி உதவிதொகை மற்றும் ஜெனிவாவில் யு.என்., சுற்றுலாவிக்கு தகுதி பெறுவர்.

தற்போது இந்தாண்டுகளுக்கான போட்டி இறுதி கட்டத்தை எட்டியுள்ளது. கோவையில் எஸ்.என்.ஆர்., கல்லூரி கலையரங்கத்தில் இறுதிபோட்டிக்கான தேர்வு நடந்தது. பாட்டு, நடனம், இசை, பொதுஅறிவு, ஓவியம் உள்ளிட்ட பிரிவுகளில் போட்டிகள் நடந்தன. போட்டியில் 80 க்கும் மேற்பட்ட பள்ளிகள் பங்கேற்றன; 60 க்கும் மேற்பட்ட மாணவ, மாணவிகள் தங்கள் திறமைகளை பதிவு செய்தனர். இதில் வித்யா நிக்கேதன் மெட்ரிக் பள்ளி மாணவி ஹெர்பதா மற்றும் ஸ்டேன்ஸ் மெட்ரிக் பள்ளி மாணவி ஹனப்பெல்லி எர்னத் என இரண்டு மாணவிகள் இறுதிப் போட்டிக்கு தகுதி பெற்றனர். இறுதிப்போட்டி பெங்களூரில் வரும் நவம்பர் மாதம் நடக்க இருக்கிறது. கோவை மாநகரில் இருந்து தேர்ந்தெடுக்கப்பட்டுள்ள ஹெர்பதா மற்றும் ஹனப்பெல்லி எர்னத் என, இருமாணவிகள் இறுதிப்போட்டியில் பங்கேற்கின்றனர்.