கோவை ரேஸ்கோர்ஸ் சாரதாம்பாள் கோவில் முன் துவங்கிய பேரணி, ரேஸ்கோர்ஸ் சுற்றுவட்டப்பாதை வழியாக மீண்டும் சாரதாம்பாள் கோவிலில் நிறைவடைந்தது. புகையிலை பயன்பாட்டால் ஏற்படும் பாதிப்புகள் குறித்து மாணவர்கள் 'மைம்' நிகழ்ச்சியின் வாயிலாக விழிப்புணர்வு ஏற்படுத்தினர். துண்டு பிரசுரம் வினியோகிக்கப்பட்டது.

பேரணியை எஸ்.என்.ஆர்., சன்ஸ் அறக்கட்டளை நிர்வாக அறங்காவலர் சுந்தர், ரேஸ்கோர்ஸ் போலீஸ் இன்ஸ்பெக்டர் கந்தசாமி ஆகியோர் துவக்கி வைத்தனர்.

எஸ்.என்.ஆர்., சன்ஸ் அறக்கட்டளை தலைமை செயல் அலுவலர் ராம்குமார், தலைமை நிர்வாக அலுவலர் மகேஷ் குமார் உள்ளிட்ட பலர் பங்கேற்றனர்.