கோவை, திருப்பூர், நீலகிரி, திண்டுக்கல், தேனி, தென்காசி, திருநெல்வேலி, கன்னியாகுமரி ஆகிய மாவட்டங்களில், இன்றும் கனமழை முதல், அதிக கனமழை பெய்ய வாய்ப்புள்ளதாக, தமிழக பேரிடர் மேலாண்மைக் குழு அறிவித்துள்ளது.

நீலகிரி, கோவை மாவட்ட மலைப்பகுதிகளில் இன்றும், நாளையும் அதிக கனமழை முதல் மிக அதிக கனமழை வரை பெய்ய வாய்ப்புள்ளதாக தெரிவிக்கப்பட்டுள்ளது.

இவ்விரு மாவட்டங்களின் ஒரு சில பகுதிகளில் மிக, மிக அதிக கனமழை பெய்ய வாய்ப்புள்ளதாகவும் அறிவிக்கப்பட்டுள்ளது.

இம்மாவட்டங்களில் 6.5 செ.மீ., முதல், 11.55 செ.மீ., வரை மழை பெய்ய வாய்ப்புள்ளதாக அறிவிக்கப்பட்டுள்ளது.

இந்நிலையில், மேற்கு தொடர்ச்சி மலையை ஒட்டிய, வால்பாறை, நீலகிரி, கோவையின் தொண்டாமுத்துார் ஆகிய பகுதிகளில், 250 மி.மீ., வரை மழை பெய்ய வாய்ப்புள்ளதாக, வேளாண் காலநிலை ஆராய்ச்சி மையம் தெரிவித்துள்ளது. கோவை மாவட்டத்தில், 100 - 150 மி.மீ., வரை மழை பெய்யலாம் எனவும் மையம் தெரிவித்துள்ளது.