ஒவ்வொரு பெற்றோரும், தங்கள் குழந்தைகளுக்கு நல்ல எதிர்காலம் அமைய வேண்டும் என நினைப்பது இயல்பு. அதற்கு அவர்கள் தேர்ந்தெடுக்கும் வழிகள் சிறந்த கல்வி மற்றும் இன்றைய காலத்திற்கு ஏற்ற கணினி அறிவு. மேலும் குழந்தைகளின் தனிப்பட்ட மேம்பாடு, உடல்நலம் மற்றும் ஆரோக்கியம், நிதித் திட்டமிடல் மற்றும் நெட்வொர்க்கிங் போன்ற பல்வேறு விஷயங்களை குழந்தைகள் தெரிந்து கொள்ள வேண்டும் என்று கவனம் செலுத்துகின்றனர்.

இன்றைய உலகில் இந்த அனைத்து அம்சங்களும் வெற்றிக்கு முக்கியமாகும் என்பது உண்மை. குழந்தைகளின் பள்ளி படிப்புடன் கூடுதலாக, இசை, சிறப்பு கணிதம், கலை, நடனம் மற்றும் எழுத்துப்பயிற்சி போன்ற பல்வேறு பயிற்சி வகுப்புகளில் சேர்க்கிறார்கள்.

அதில் முக்கியமாக குழந்தைகளுக்கான கணினி வகுப்புகள் பெற்றோர்களின் முதல் தேர்வாக இருக்கிறது. குழந்தைகள் கணினி சார்ந்த அடிப்படை விஷயங்களில் என்னென்ன கற்றுக் கொள்ளலாம் என்பதைப் பார்ப்போம்:

டிஜிட்டல் அறிவு

இன்றைய டிஜிட்டல் யுகத்தில், குழந்தைகள் தங்கள் கல்வி மற்றும் தொழில் வாழ்க்கையில் சிறந்து விளங்க கணினி அறிவு அவசியம். குழந்தைகளுக்கான கணினி வகுப்புகள், 21 ஆம் நூற்றாண்டில் கணினி மற்றும் தொழில்நுட்பத்தை எவ்வாறு திறம்பட பயன்படுத்துவது என்பதை குழந்தைகள் கற்றுக்கொள்ள உதவுகிறது.

திறன் வளர்த்தல்

குழந்தைகளுக்கான கணினி வகுப்புகள், பிரச்னைகளுக்கு தீர்வு காணும் திறன், விமர்சன சிந்தனை மற்றும் முடிவெடுத்தல் போன்ற முக்கியமான அறிவாற்றல் திறன்களை வளர்க்க உதவும். இந்த திறன்கள் கல்வி மற்றும் தொழில்முறை அமைப்புகளில் சாதிக்க வழி வகுக்கும்.

டிஜிட்டல் புராஜெக்ட்ஸ்

உலகம் டிஜிட்டல்மயமாகி வருவதால், பல வேலைகளுக்கு இப்போது கணினி திறன் தேவைப்படுகிறது. சிறு வயதிலேயே குழந்தைகளுக்கு கணினி வகுப்புகளை பயிற்றுவிப்பதன் மூலம், குழந்தைகள் தொழில்நுட்பங்களின் பயன்பாடுகளை கற்றுக் கொள்கிறார்கள். பல துறைகளில் பணியாற்ற டிஜிட்டல் திறன்கள் தேவைப்படுகிறது. எதிர்கால வாழ்க்கைக்கு தங்களைத் தயார்படுத்திக் கொள்ளவும், புதிய கண்டுபிடிப்புகளில் தங்களை ஈடுபடுத்திக் கொள்ளவும் ஆர்வம் ஏற்படும்.

3டி அனிமேஷன்

ஜாவாஸ்கிரிப்டைப் பயன்படுத்தி 2டி லூப் அனிமேஷன்கள் மற்றும் இன்டர்- ஆக்டிவ் கேம்களை எவ்வாறு உருவாக்குவது என்பதை இதில் கற்றுக்கொள்ளலாம் . ஜாவாஸ்கிரிப்டைப் பயன்படுத்தி கேம் வடிவமைப்பின் அடிப்படைகளை தெரிந்து கொண்ட பிறகு, மாணவர்கள் 3டி லூப்களை பயன்படுத்தி டிசைன்களை உருவாக்குகிறார்கள். மேலும் பல்வேறு கோடிங்குகளை பயன்படுத்தி ஸ்கோர்போர்டுடன் 3டி நிலப்பரப்பு, மாதிரி மற்றும் முழுமையான விளையாட்டு வடிவமைப்பை உருவாக்குகிறார்கள்.

சைபர் பாதுகாப்பு

இந்த கோடிங் வகுப்புகளில், மாணவர்கள் எச்.டி.எம்.எல் கமாண்டுகளை பயன்படுத்தி தங்கள் சொந்த வலைதளத்தை உருவாக்குவார்கள். இந்த பாடத்திட்டத்தில் உள்ள கோடிங் வகுப்புகள் இணையதளத்தில் பணிபுரியும் போது பின்பற்ற வேண்டிய பாதுகாப்பான நுட்பங்களை கற்றுத் தரும்.