பொள்ளாச்சி, வடக்கிபாளையம் துணை ஒழுங்குமுறை விற்பனை கூடத்தில், நேற்று முன்தினம் கொப்பரை ஏலம் நடந்தது. இதில், முதல் தர கொப்பரை, 25 மூட்டைகள் ஏலம் விடப்பட்டது. இதில், அதிகபட்சமாக, 181.50 ரூபாய்க்கும், குறைந்த பட்சமாக 172.50 ரூபாய்க்கும் விற்பனையானது.

இதேபோன்று, இரண்டாம் தர கொப்பரை, 17 மூட்டைகள் விற்பனையானது. இதில் அதிகபட்ச விலையாக, 167.50 ரூபாயும், குறைந்த பட்சமாக, 141 ரூபாய்க்கு விற்பனையானது. மொத்தமாக, 42 கொப்பரை மூட்டைகள் (15.20 குவிண்டால்), 2.10 லட்சத்துக்கு விற்பனையானது.

இதில், 18 விவசாயிகள் மற்றும் 3 உள் மாவட்ட வியாபாரிகள், 2 வெளிமாவட்ட வியாபாரிகள் பயனடைந்தனர். இத்தகவலை, விற்பனை கூட கண்காணிப்பாளர் செல்வராஜ் தெரிவித்தார்.