நெகமம் ஒழுங்குமுறை விற்பனை கூடத்தில் வாரம் தோறும் வியாழக்கிழமைகளில், கொப்பரை ஏலம் நடக்கிறது. நேற்று நடந்த ஏலத்தில், 344 கொப்பரை மூட்டைகள் (50 கிலோ வீதம்), 37 லட்சத்து ஆயிரத்து, 239 ரூபாய்க்கு விற்பனையானது.

முதல் தர கொப்பரை கிலோ, 200.35 முதல் 220 ரூபாய் வரை விற்பனையானது. இரண்டாம் தர கொப்பரை, 120.17 முதல் 189.19 ரூபாய் வரை விற்பனையானது. ஏலத்தில், 24 விவசாயிகள் மற்றும் 6 வியாபாரிகள் பங்கேற்று பயனடைந்தனர். இத்தகவலை விற்பனை கூட கண்காணிப்பாளர் ஜெயராமகிருஷ்ணன் தெரிவித்தார்.