/
உள்ளூர் செய்திகள்
/
கோயம்புத்தூர்
/
காய்கறி விலைப்பட்டியல் வைக்க வாடிக்கையாளர்கள் எதிர்பார்ப்பு
/
காய்கறி விலைப்பட்டியல் வைக்க வாடிக்கையாளர்கள் எதிர்பார்ப்பு
காய்கறி விலைப்பட்டியல் வைக்க வாடிக்கையாளர்கள் எதிர்பார்ப்பு
காய்கறி விலைப்பட்டியல் வைக்க வாடிக்கையாளர்கள் எதிர்பார்ப்பு
ADDED : டிச 01, 2025 01:45 AM
பொள்ளாச்சி: பொள்ளாச்சி நகரில் ஆங்காங்கே அமைக்கப்பட்டுள்ள காய்கறி விற்பனை கடைகளில், அன்றைய தினத்தின் விலையை குறிப்பிட்டு, பட்டியலை காட்சிப்படுத்த வேண்டும் என, கோரிக்கை எழுந்துள்ளது.
பொள்ளாச்சி நகர் மற்றும் சுற்றுப்பகுதி கிராமங்களில், வணிக நிறுவனங்களின் எண்ணிக்கை அதிகரித்துள்ளது. காய்கறி, உணவு சார்ந்த பொருட்களின் விற்பனைக்கடைகள், ஆங்காங்கே புதிது புதிதாக திறக்கப்படுகின்றன.
இங்கு, வாடிக்கையாளர்கள் வாங்கும் காய்கறிகளை மொத்தமாக கணக்கிட்டு தொகை தெரிவிக்கப்படுகிறது. டிஜிட்டல் வாயிலாக பணப் பரிவர்த்தனை செய்யும் வாடிக்கையாளர்கள், காய்கறிகளின் விலை பட்டியல் வைக்காததால், விலையை அறிய முடியாமல் அவதிப்படுகின்றனர். எனவே, காய்கறி கடைகளில் அன்றைய தினத்தின் விலையை குறிப்பிட்டு, பட்டியலை காட்சிப்படுத்த வேண்டும் என, கோரிக்கை எழுந்துள்ளது.
மக்கள் கூறுகையில், 'மக்களின் அன்றாட தேவையாக காய்கறிகள் உள்ளன. இதனால், பல இடங்களில் இருந்தும், காய்கறிகள் மொத்தமாக தருவிக்கப்பட்டு, விற்பனைக்கு வைக்கப்படுகின்றன.
இருப்பினும், எந்த காய்கறி கடையிலும் விலைப்பட்டியல் வைப்பதில்லை. வாடிக்கையாளர்கள் காய்கறிகளின் விலையை கணக்கிடும் வகையில் விலைப்பட்டியல் வைக்க, துறை ரீதியான அதிகாரிகள் நடவடிக்கை எடுக்க வேண்டும்,' என்றனர்.

