இரு நிறுவனங்களும் ஒன்றிணைந்து, மாணவர்கள் உயர்க்கல்வி பயில்வதற்கு தேவையான வாய்ப்புகளைப் பற்றி கலந்து ஆலோசித்தனர்.

டர்ஹாம் பல்கலையில், சர்வதேச தரத்தில் உயர்கல்வி பயில தேவையான உதவிகளையும், கல்வி உதவி தொகைகளையும், ஈஸ்வர் பொறியியல் கல்லுாரி மாணவர்களுக்கு வழங்குவது குறித்து கலந்து ஆலோசிக்கப்பட்டது. இரு கல்வி நிறுவன பேராசிரியர்களும் இணைந்து, ஆராய்ச்சி மற்றும் மேம்படுத்தப்பட்ட கல்வி பயிற்றுவித்தல் பிரிவுகளில் இணைந்து செயல்பட விருப்பம் தெரிவித்துள்ளனர். மாணவர்களுக்கு, டர்ஹாம் பல்கலையின் குறுகிய கால தொழில் முறை பயிற்சிகளை வழங்குவதற்கும், மகிழ்ச்சியோடு ஒப்புதல் தெரிவித்தனர்.