கோவை, திருமால் நகரை சேர்ந்த ரவிசங்கர் என்பவர், வீட்டில் முதல் மாடிக்கு செல்வதற்காக, 'லிப்ட்' அமைக்க முடிவு செய்து, சென்னை அடையாறிலுள்ள எலைட் எலிவேட்டர்ஸ் என்ற நிறுவனத்தை தொடர்பு கொண்டார்.

18 லட்சம் ரூபாய் செலவாகும் என தெரிவித்தனர். இதற்கு ஒப்புக்கொண்டு, முன்பணமாக 4.25 லட்சம் ரூபாய் கொடுத்தார். ஆனால், 'லிப்ட்' அமைக்காமல் காலம் கடத்தி வந்தனர். முன்பணத்தை திருப்பி கேட்ட போது இழுத்தடிப்பு செய்தனர். இதனால் பணத்தை திருப்பிதர உத்தரவிடவும், இழப்பீடு கோரியும், கோவை நுகர்வோர் குறைதீர் ஆணையத்தில், வழக்கு தாக்கல் செய்தார்.

விசாரித்த ஆணைய தலைவர் தங்கவேல் மற்றும் உறுப்பினர்கள் பிறப்பித்த உத்தரவில், 'லிப்ட் நிறுவனம் முன்பணமாக பெற்ற, 4.25 லட்சம் ரூபாயை, ஒன்பது சதவீத வட்டியுடன் திரும்ப செலுத்துவதுடன், மனஉளைச்சலுக்கு இழப்பீடாக, 10 ஆயிரம் ரூபாய், வழக்கு செலவு, 5 ஆயிரம் ரூபாய் மனுதாரருக்கு வழங்கவேண்டும்' என்று தெரிவித்துள்ளனர்.