அனுப்பர்பாளையம் : திருப்பூரில் நடந்த மாநில அளவிலான செஸ் போட்டியில், சென்னையை சேர்ந்த குமரன் முதலிடம் பெற்றார்.காந்திநகர் ரோட்டரி கிளப், திருமுருகன்பூண்டி ரோட்டரி கிளப், லெஜண்ட் செஸ் அகாடமி இணைந்து மாநில அளவிலான செஸ் போட்டியை நடத்தின. திருப்பூர், கோவை, சென்னை. ஈரோடு, திருச்சி, மதுரையை சேர்ந்த 225 வீரர்கள் பங்கேற்றனர். போட்டி 10 சுற்றுகளாக நடத்தப்பட்டது. சென்னையை சேர்ந்த குமரன் முதலிடம், சாய் விஸ்வேஸ் இரண்டாமிடம், சேலத்தை சேர்ந்த சக்கரவர்த்தி மூன்றாமிடம் பெற்றனர். முதல் பரிசாக 15 ஆயிரம்; இரண்டாம் பரிசாக 10 ஆயிரம்; மூன்றாம் பரிசாக ஏழாயிரம் ரூபாய் வழங்கப்பட்டது.