வால்பாறை : வால்பாறை டவுன் பகுதியில் வியாபாரிகள் கூட்டமைப்பு வைத்துள்ள போஸ்டரால் திடீர் பரபரப்பு ஏற்பட்டுள்ளது. வால்பாறையில் சமீபகாலமாக வனவிலங்கு தொல்லையாலும், ஆரம்பத்தில் குறைவான சம்பளம் வழங்கப்பட்டதாலும் ஆயிரக்கணக்கான தொழிலாளர்கள் எஸ்டேட்டை விட்டு வெளியேறி திருப்பூர், கோவை, ஈரோடு உள்ளிட்ட வெளியூர்களுக்கு சென்று விட்டனர். இதனால் பெரும்பொருளாதார சரிவு ஏற்பட்டுள்ளதோடு, வனவிலங்குகளின் பிடியில் சிக்கி பொதுமக்கள் அவதிப்படும் நிலையும் உருவாகியுள்ளது.