'தினமலர்' நாளிதழ் மாணவர் பதிப்பு 'பட்டம்' இதழ், சென்னை இன்ஸ்டிடியூட் ஆப் டெக்னாலஜி சார்பில், 'வினாடி--வினா' போட்டி அக்., 8ம் தேதி துவங்கியது.

இவர்களுடன், எஸ்.எஸ்.வி.எம்., கல்வி நிறுவனமும் கரம் கோர்த்துள்ளது. கோ- ஸ்பான்சர்' ஆக சத்யா ஏஜென்சிஸ் உள்ளது.

கோவை, திருப்பூர், நீலகிரி மாவட்டங்களில் இருந்து முன்பதிவு செய்த, 150க்கும் மேற்பட்ட பள்ளிகளில் இப்போட்டி நடத்தப்பட்டு வருகிறது. இதில், பள்ளி அளவில் முதலிடம் பிடிக்கும் மாணவர்களுக்கு, அரையிறுதி போட்டி நடக்கும்.

இதில் இருந்து எட்டு அணிகள் தேர்வு செய்யப்பட்டு, இறுதிப் போட்டி நடத்தப்படும். இறுதிப் போட்டியில் இடம்பெறும் மாணவர்களுக்கு, பரிசுகள் வழங்கப்பட உள்ளன.

கோவை நல்லாம்பாளையம் அமிர்தா வித்யாலயம் மேல்நிலைப் பள்ளியில் நடந்த போட்டியில், 162 பேர் தகுதி சுற்றுக்கான பொது அறிவுத் தேர்வு எழுதினர்.

அதிக மதிப்பெண் பெற்ற 16 பேர், எட்டு அணிகளாக பிரிக்கப்பட்டு போட்டி நடத்தப்பட்டது.

இதில், 'பி' அணியை சேர்ந்த அனு, தருண் சாய் ஆகியோர் முதலிடம் பெற்றனர்.

வெற்றி பெற்றவர்களுக்கு பள்ளி முதல்வர் ஜெய ஜோதி, தலைமையாசிரியர் சுதா, ஆசிரியர் பிரபா, ஒருங்கிணைப்பாளர்கள் பிரசாந்த், பத்மஜாஆகியோர் பரிசு வழங்கினர்.