மாவட்ட அளவிலான நான்காம் ஆண்டு, 'ஸ்ரீ நவகோடி நினைவுக் கோப்பை' கூடைப்பந்து போட்டி, நேரு ஸ்டேடியம் எதிரே உள்ள கூடைப்பந்து மைதானத்தில் நேற்று முன்தினம் துவங்கியது; வரும், 22ம் தேதி நிறைவடைகிறது.

இரண்டாம் நாளான நேற்று வீரர், வீராங்கனைகளின் ஆக்ரோஷமான ஆட்டம், ரசிகர்களின் கரகோஷத்தை கூட்டியது. 16 வயதுக்கு உட்பட்ட மாணவர்கள் பிரிவில், டெக்சிட்டி அணியும், ஆர்.எல்.எம்.எச்.எஸ்., 'பி' அணியும் மோதின.

பரபரப்பான ஆட்டத்தில், ஆர்.எல்.எம்.எச்.எஸ்., 'பி' அணி, 71-27 என்ற புள்ளிகளில் வெற்றி பெற்றது. தொடர்ந்து, ஸ்பைஸ் அணி, 46-32 என்ற புள்ளிகளில் பேஷன் அணியை வென்றது. 13 வயதுக்கு உட்பட்டோர் பிரிவில், யங் பிளட் அணி, 71-13 என்ற புள்ளிகளில் ஆர்.எல்.எம்.எச்.எஸ்., 'பி' அணியை வென்றது.

பீப்பல் அணி, 36-25 என்ற புள்ளிகளில் பேஷன் பொள்ளாச்சி அணியை வென்றது. 16 வயதுக்குட்பட்ட மாணவியர் பிரிவில், பிளெசிங் ஸ்டார் அணி, 52-19 என்ற புள்ளிகளில் ஆர்.எஸ்.சி., அணியை வெற்றிகொண்டது.

அல்வெர்னியா அணி, 63-27 என்ற புள்ளிகளில் யுனைடெட் அணியையும், பாரதி அணி, 61-23 என்ற புள்ளிகளில் ஒய்.எம்.சி.ஏ., அணியையும், பி.எஸ்.ஜி., சர்வஜனா அணி, 44-5 என்ற புள்ளிகளில் யுனைடெட் அணியையும் வென்றது.

தவிர, 13 வயதுக்கு உட்பட்ட மாணவர் பிரிவில் ஆர்.எஸ்.சி., அணி, 26-19 என்ற புள்ளிகளில் லிசிக்ஸ் அணியையும் வென்றன. தொடர்ந்து, போட்டிகள் நடக்கின்றன.