முதலில் பேட்டிங் செய்த, பி.எஸ்.ஜி., டெக்., அணியினர், 48.2 ஓவரில் அனைத்து விக்கெட்களையும் இழந்து, 173 ரன்கள் எடுத்தனர். வீரர்கள் ஹரிதேவ், 51 ரன்களும், பூபாலன், 30 ரன்களும் எடுத்தனர். எதிரணி வீரர் அருண் பாண்டி நான்கு விக்கெட்கள் வீழ்த்தினார்.

அடுத்து விளையாடிய கோவை புளூ நைட்ஸ் அணியினர், 43.4 ஓவரில் ஒன்பது விக்கெட் இழப்புக்கு, 175 ரன்கள் எடுத்து வெற்றி பெற்றனர். வீரர்கள் சுகந்த் ஆதித்யன், 38 ரன்களும், சரவணன், 30 ரன்களும் எடுத்தனர்.

நான்காவது டிவிஷன் போட்டியில், தம்பி மெமோரியல் கிரிக்கெட் கிளப் அணியும், சூர்யபாலா கிரிக்கெட்டர்ஸ் அணியும் மோதின. பேட்டிங் செய்த தம்பி மெமோரியல் அணியினர், 29.4 ஓவரில் அனைத்து விக்கெட்களையும் இழந்து, 90 ரன்கள் எடுத்தனர்.

வீரர் அருள்குமார், 45 ரன்கள் எடுத்தார். எதிரணி வீரர் சஞ்சித் ரானா, நான்கு விக்கெட்கள் வீழ்த்தினார். சூர்யபாலா அணியினர், 14 ஓவரில் இரண்டு விக்கெட் இழப்புக்கு, 95 ரன்கள் எடுத்தனர்.

வீரர்கள் கோகுல் பிரசாத், 39 ரன்களும், விக்னேஷ்வர், 33 ரன்களும் எடுத்தனர். தொடர்ந்து, போட்டிகள் நடக்கின்றன.