இதில், 13 வயதுக்குட்பட்ட மாணவியர் பிரிவில் ஏழு அணிகளும், 16 வயதுக்குட்பட்ட மாணவியர் பிரிவில், 9 அணிகள், 13 வயதுக்குட்பட்ட மாணவர்கள் பிரிவில், 17 அணிகள், 16 வயதுக்குட்பட்ட மாணவர்கள் பிரிவில், 12 அணிகள் பங்கேற்றுள்ளன.

வரும், 22ம் தேதி வரை போட்டிகள் நடக்கின்றன. நேற்று காலை துவங்கிய, 16 வயதுக்குட்பட்ட மாணவர்களுக்கான முதல் போட்டியில், எஸ்.வி.ஜி.வி., அணியும், ஒய்.எம்.சி.ஏ., அணியும் மோதின. சுறுசுறுப்பாக விளையாடிய ஒய்.எம்.சி.ஏ., அணியினர், 54-47 என்ற புள்ளிகளில், எஸ்.வி.ஜி.வி., அணியை வென்றனர்.

அதிக பட்சமாக எஸ்.வி.ஜி.வி., வீரர் வியாஸ், 17 புள்ளிகளும், ஒய்.எம்.சி.ஏ., வீரர் தரண், 16 புள்ளி களும் எடுத்தனர். 13 வயதுக்குட்பட்ட மாணவியருக்கான முதல் போட்டியில் பாரதி அணியும், எஸ்.வி.ஜி.வி., அணியும் மோதின.

இதில், எஸ்.வி.ஜி.வி., அணி, 47-22 என்ற புள்ளி களில் பாரதி அணியை வென்றது. பாரதி அணி வீராங்கனை அனோகா ஏழு புள்ளிகளும், எஸ்.வி.ஜி.வி., வீராங்கனை அக்ஷிதா, 13 புள்ளிகளும் அதிகபட்சமாக எடுத்தனர். தொடர்ந்து போட்டிகள் நடக்கின்றன.