இதனை முன்னிட்டு, கோவையில் அனைத்து பள்ளி மாணவர்களுக்கான மாவட்ட அளவிலான அறிவியல் கண்காட்சி போட்டி, மாவட்ட பள்ளிக்கல்வி சார்பில், நேற்று (அக்.17) நடைபெற்றது.

துணி வணிகர் சங்க அரசு பெண்கள் மேல்நிலைப்பள்ளியில் நடைபெற்ற இப்போட்டியில், 6 முதல் 8ம் வகுப்பு, 9 மற்றும் 10ம் வகுப்பு, 11 மற்றும் 12ம் வகுப்பு என மூன்று பிரிவுகளின் கீழ், மாணவர்களுக்கு போட்டிகள் நடத்தப்பட்டன.

இந்த அறிவியல் கண்காட்சியில், 50க்கும் மேற்பட்ட பள்ளிகளில் இருந்து 100க்கும் அதிகமான மாணவர்கள், தங்கள் கண்டுபிடிப்புகளுடன் பங்கேற்றனர்.

குறிப்பாக, 6 முதல் 8ம் வகுப்பு வரையிலான மாணவர்கள் ஆர்வத்துடன் பங்கேற்று புதிய கண்டுபிடிப்புகளை சமர்ப்பித்தனர்.

6-8ம் வகுப்பு பிரிவில் பிரசன்டேஷன் கான்வென்ட் பள்ளி, 8ம் வகுப்பு மாணவன் ரபிக்; 9-10ம் வகுப்பு பிரிவில் சுதந்திரா மேல்நிலைப்பள்ளி, 9ம் வகுப்பு மாணவன் கவினேஷ்; 11-12ம் வகுப்பு பிரிவில் அரசூர் அரசு மேல்நிலைப்பள்ளி மாணவன் நந்தா முதலிடம் பிடித்தனர்.