- சுந்தர், புலியகுளம்.

வீணாகும் குடிநீர்

சரவணம்பட்டி, 30வது வார்டு, விநாயகபுரம், பாரதியார் வீதியில், புற்றுக்கண் மாரியம்மன் கோவிலுக்கு எதிரே, அத்திக்கடவு குடிநீர் குழாய் உடைந்துள்ளது. பெருமளவு குடிநீர் வீணாக சாலையில் ஓடுகிறது.

- வேலவன், சரவணம்பட்டி.

நடைபாதையில் நடக்க முடியலை

அவிநாசி ரோடு, 83வது வார்டு, அண்ணாதுரை சிலை அருகே, நடைபாதையோரம் அடர்த்தியாக புதர் வளர்ந்துள்ளது. பாதை முழுவதும் கேபிள் ஒயர்கள் சுற்றிக்கொண்டிருக்கிறது. இவ்வழியே நடந்து செல்லும் பாதசாரிகள், மாணவர்கள் மிகுந்த சிரமத்திற்குள்ளாகின்றனர்.

- பாலகிருஷ்ணன், 83வது வார்டு.

நிரம்பி வழியும்சாக்கடை

ஆவாரம்பாளையம், காமராஜ் நகர், ஆறாவது வீதியில், சாக்கடை கால்வாய் சரிவர துார்வாருவதில்லை. சாக்கடையில் விளிம்பு வரை கழிவுநீர் தேங்கி கிடக்கிறது. பல இடங்களில் சாக்கடை நிரம்பி சாலையில் வழிந்தோடுகிறது. கடும் துர்நாற்றம் வீசுகிறது.

- சஞ்சய், ஆவாரம்பாளையம்.

மணலில் சறுக்கும் வாகனங்கள்

வெள்ளலுார் - சிங்காநல்லுார் மேம்பாலத்தின் இருபுறங்களிலும் அதிகளவில் மணல் குவிந்துள்ளது. பைக்கில் செல்வோர் மணலில் சறுக்கி விழுகின்றனர். மேம்பாலத்திலுள்ள கம்பங்களில் மின்விளக்குகளும் எரிவதில்லை.

- நாராயணன், காவேரி நகர்.

குழியில் விழும் வாகனங்கள்

தொண்டாமுத்துார், போளுவாம்பட்டி ரோடு, 56வது வார்டு, பழநியப்பா மாவு மில் எதிரில், தண்ணீர் திறப்பு வால்வு குழி, சிலேப் இன்றி உள்ளது. இருசக்கர வாகனங்கள், பைக்குகள் அடிக்கடி குழியில் விழுந்து விபத்திற்குள்ளாகின்றன.

- சண்முகம், தொண்டாமுத்துார்.

தெருநாய்களால் தொல்லை

கணபதி, 31வது வார்டு, தெய்வநாயகி நகரில் கூட்டம், கூட்டமாக தெருநாய்கள் சுற்றுகின்றன. இரவு நேரங்களில் பைக்கில் செல்வோரை துரத்தி, கீழே விழவைக்கின்றன. சாலையில் நடந்து செல்வோரையும் குரைத்து அச்சுறுத்துகின்றன.

- மது, கணபதி.

சாக்கடை அடைப்புமக்கள் அவதி

மாதம்பட்டி, ஜி.வி.கார்டன் முதல், மாதம்பட்டி துணை மின்நிலையம் வரை, சாக்கடை கால்வாய் பல மாதங்களாக துார்வாராமல் உள்ளது. குப்பை அடைத்து கழிவுநீர் தேங்கி நிற்கிறது. கொசு புழுக்கள் உற்பத்தி அதிகமாக இருப்பதுடன், கடும் துர்நாற்றமும் வீசுகிறது.

- நடராஜன்,

மாதம்பட்டி.

போக்குவரத்திற்கு இடையூறு

பீளமேடு, ஜி.ஆர்.ஜி., எம்.கே.பி., ரோடு, 52வது வார்டில், பல இடங்களில் பயன்படுத்தாத பைக்குகள் நிறுத்தப்பட்டுள்ளன. இவை, போக்குவரத்திற்கு இடையூறாக உள்ளதால், அகற்ற வேண்டும்.

- ஆனந்த்குமார், பீளமேடு.

குழிகள் நிறைந்த சாலை

சுந்தராபுரம், போத்தனுார் மற்றும் பொள்ளாச்சி சந்திப்பு பகுதியில், சாலை மிகவும் மோசமாக சேதமடைந்துள்ளது. இருசக்கர வாகனஓட்டிகள் அடிக்கடி விபத்திற்குள்ளாகின்றனர்.

- சக்திவேல்,

சுந்தராபுரம்.

புழுதி பறக்கும் சாலை

திருச்சி ரோடு, சிங்காநல்லுார் ரோட்டில் குழாய் பதிப்பிற்காக குழிகள் தோண்டி மூடப்பட்டன. தார் ஊற்றி மூடாமல், வெறும் மண் கொண்டு மூடப்பட்டது. வாகனங்கள் செல்லும்போது அதிக புழுதி பறக்கிறது.

- ஈஸ்வரி, சிங்காநல்லுார்.