பெ.நா.பாளையம் : பெரியநாயக்கன்பாளையம் அருகே உள்ள மத்தம்பாளையம் அல்லிநகரம் பகுதியில் போர்வெல் லாரிகளை நிறுத்துவது வழக்கம். இப்பகுதியை சேர்ந்த சந்திரசேகர், லாரியை நிறுத்திவிட்டு நேற்று காலை வந்து பார்த்தபோது, இவருடைய லாரிக்கு அருகில் நிறுத்தி வைக்கப்பட்டு இருந்த லாரி அருகே காரமடை, மேடூர், சாலவேம்பு பகுதியைச் சேர்ந்த டிரைவர் நந்தகுமார், 46, தலையின் பின்பக்கம் பலத்த ரத்த காயம், இடது கண்ணில் காயமடைந்த நிலையில் இறந்து கிடந்தார். இச்சம்பவம் குறித்து லாரி உரிமையாளர் மாணிக்கம், பெரியநாயக்கன்பாளையம் போலீசில் புகார் செய்தார்.