பாதுகாப்பு காரணங்களுக்காக மாவட்டத்தில் குறிப்பிட்ட பகுதிகளில் ட்ரோன் உள்ளிட்ட ஆளில்லா வான்வழி கருவிகள் பறக்க, தடை விதிக்கப்பட்டுள்ளது.

இதன்படி, மாவட்ட எல்லையில் கரியாம்பாளையம் சந்திப்பு, நீலாம்பூர் புறக்காவல் நிலையம், கணியூர் டோல்கேட், கருமத்தம்பட்டி நால்ரோடு, சோமனூர் ஆற்றுப்பாலம் உள்ளிட்ட பகுதிகளும்; மாநகரில் கொடிசியா, பீளமேடு, சிட்ரா, நேருநகர், இருகூர், எஸ்.எச்.ஐ.எஸ்.,காலனி, ஒண்டிப்புதூர், சிங்காநல்லூர், ஹோப்ஸ் கல்லூரி, சின்னியம்பாளையம் மற்றும் சுற்றுப்பகுதிகளும் தற்காலிக சிவப்பு மண்டலங்களாக அறிவிக்கப்பட்டுள்ளன.

இந்த பகுதிகளில் அக். 1 அதிகாலை 1:00 மணி வரை, 48 மணி நேரத்துக்கு ட்ரோன்கள் மற்றும் இதர ஆளில்லா வான்வழி கருவிகள் பறக்க தடை விதிக்கப்பட்டுள்ளது.

தடையை மீறுவோர் மீது சட்டப்படி நடவடிக்கை எடுக்கப்படும் என மாவட்ட நிர்வாகம் தெரிவித்துள்ளது.