ADDED : மார் 31, 2026 07:47 PM
கோவை: உலகளாவிய இயற்கை நிதியம் (டபிள்யூ.டபிள்யூ.எப்.,) மற்றும் புவிக்காக அறக்கட்டளை இணைந்து, ஸ்ரீசக்தி இன்ஜி., கல்லூரியில் 'புவிநேரம்' அனுசரிக்கப்பட்டது.
பருவநிலை மாற்றம் குறித்த விழிப்புணர்வு ஏற்படுத்தும் வகையில், ஆண்டுதோறும் மார்ச் கடைசி சனிக்கிழமை இரவு 8:30 மணி முதல் 9:30 மணிவரை தேவையற்ற மின்விளக்குகளை அணைப்பதன் வாயிலாக இத்தினம் அனுசரிக்கப்படுகிறது.
முத்துக்கவுண்டன்புதுாரில் உள்ள ஆச்சான்குளத்தில், துாய்மைப் பணி மற்றும் இயற்கை நடை ஏற்பாடு செய்யப்பட்டிருந்தது. ஸ்ரீ சக்தி இன்ஜி., கல்லுாரியில், நடந்த விழிப்புணர்வு நிகழ்ச்சியில் முதலாம் ஆண்டு மாணவர்கள் 200 பேர் பங்கேற்றனர். பின்னர், பூமிக்காக 60 நிமிடங்கள் என்பதை உணர்த்தும் விதத்தில், மாணவர்கள், '60' வடிவில் நின்று உறுதிமொழியேற்றனர். வினாடி, வினா போட்டியில் வெற்றி பெற்ற மாணவர்களுக்கு பரிசு வழங்கப்பட்டது.
