செய்முறை: ஒரு பாத்திரத்தில் மாவு, சமையல் சோடா, பேக்கிங் பவுடர், உப்பு, துருவிய தேங்காய் ஆகிய உலர் பொருட்களைக் கலந்து தனியாக வைக்கவும். ஒரு பாத்திரத்தில் பாலை சூடாக்கி, அதில் கோகோ, காபி தூள் சேர்த்து கலக்கவும். வெண்ணிலா, சர்க்கரை மற்றும் எண்ணெயை ஒவ்வொன்றாகச் சேர்த்து நன்றாகக் கலக்கவும்.

அடுத்து, வாழைப்பழத்தை கூழாக்கி, அதனுடன் சேர்த்து நன்றாகக் கலக்கவும். இப்போது, ஈரமான கலவை தயாராகிவிட்டது. உலர் பொருளை ஈரமான பொருளுடன் சேர்த்து மெதுவாகக் கலக்கவும். அதிகமாகக் கலக்க வேண்டாம். காகிதம் விரிக்கப்பட்ட லோப் பேனில் இந்தக் கலவையை ஊற்றி, அதன் மேல் சாக்லேட் சிப்ஸ் அல்லது கோகோ நிப்ஸ்களைத் தூவி, 180°C-க்கு முன்சூடு செய்யப்பட்ட அடுப்பில் 40 நிமிடங்கள் அல்லது அது வெந்துவிடும் வரை சுடவும்.

கேக்கை வெளியே எடுத்து, ஆறவைத்து, துண்டுகளாக வெட்டிச் சுவைக்கவும். குளிர்சாதனப் பெட்டியில் வைத்தால் 3 முதல் 4 நாட்கள் வரை கெட்டுப்போகாமல் இருக்கும். கேக்கை மைக்ரோவேவில் 30 விநாடிகள் சூடுபடுத்தி, ஒரு கோப்பை காபி அல்லது தேநீருடன் சுவைத்து மகிழுங்கள்.