கோவை, ஈரோடு, நீலகிரி, திருப்பூர் இன்டர் இன்ஜி., கல்லுாரி விளையாட்டு போட்டிகள் (சென்டைஸ்) சார்பில் 13ம் ஆண்டு கோ-கோ மற்றும் கபடி போட்டி, பச்சாபாளையம் ராமகிருஷ்ணா தொழில்நுட்ப கல்லுாரியில், கடந்த இரண்டு நாட்களாக நடந்தது.

கபடி போட்டியில், இந்துஸ்தான் இன்ஜி., மற்றும் தொழில்நுட்ப கல்லுாரி அணி முதலிடம், சக்தி இன்ஜி., மற்றும் தொழில்நுட்ப கல்லுாரி அணி இரண்டாமிடம், பில்டர்ஸ் இன்ஜி., கல்லுாரி அணி மூன்றாமிடம் பிடித்தன.

கோ - கோ போட்டியில், சக்தி இன்ஜி., மற்றும் தொழில்நுட்ப கல்லுாரி அணி முதலிடம், குமரகுரு தொழில்நுட்ப கல்லுாரி அணி இரண்டாமிடம் மற்றும் பி.எஸ்.ஜி., தொழில்நுட்ப கல்லுாரி அணி மூன்றாமிடம் பிடித்தன.

வெற்றி பெற்ற மாணவர்களுக்கு கல்லுாரி முதல்வர் பால்ராஜ், ஐ.டி., துறை தலைவர் சுரேஷ்குமார் பரிசுகளை வழங்கினர். போட்டி ஏற்பாடுகளை உடற்கல்வி இயக்குனர் வேலுசாமி செய்தார்.