விழாவின் ஒரு பகுதியாக, சுற்றுச்சூழல் பாதிப்புகள் குறித்து மக்களிடம் விழிப்புணர்வு ஏற்படுத்தும் விதமாக மாநகராட்சி நடுநிலைப் பள்ளி மாணவ, மாணவியரின் அறிவியல் படைப்புகள் காட்சிப்படுத்தப்பட்டிருந்தன.

காலை, 10:15 மணிக்கு விழா துவங்குவதாக அறிவிக்கப்பட்டிருந்தது. ஆனால், அப்பகுதியிலுள்ள மாநகராட்சிப் பள்ளி மாணவர்கள் காலை, 7:30 மணிக்கே வரவழைக்கப்பட்டு இருக்கையில் அமரவைக்கப்பட்டிருந்தனர். விருந்தினர்கள் வருகை தாமதத்தால், மதியம், 12:30 மணிக்கு மேல் மரக்கன்றுகள் நடும் பணி துவங்கியது.

மாணவர்களின் பெற்றோர் கூறுகையில், 'குழந்தைகள் இதுபோன்ற நிகழ்ச்சிகளில் பங்கேற்பது நல்ல விஷயம்தான். அதேசமயம், இப்படி காத்திருக்க வைக்கக்கூடாது. அரசியல்வாதிகளும், அதிகாரிகளும் இதை உணர்ந்து செயல்பட வேண்டும்' என்றனர்.