சுல்தான்பேட்டை அடுத்த மலைப்பாளையத்தை சேர்ந்தவர் திருமலைச்சாமி, 52. விவசாயி. இவருக்கும் அதே பகுதியை சேர்ந்த கண்ணப்பன், 50 என்பவருக்கும் நிலத்தகராறு இருந்ததாக கூறப்படுகிறது.

இந்நிலையில், திருமலைசாமி நிலத்தில் சர்வே செய்யும் பணி நேற்று மதியம் நடந்தது. மாலை, 4:00 மணிக்கு, திருமலை சாமி, சாந்தகுமார், 32, பாலபிரசாத், 40 ஆகியோர் பேசிக்கொண்டிருந்தனர்.

அப்போது, அங்கு வந்த கண்ணப்பன், திருமலைசாமியுடன் வாக்குவாதம் செய்து, தான் வைத்திருந்த ஸ்க்ரூ டிரைவரால் , கழுத்தில் குத்தியுள்ளார்.

தடுக்க முயன்ற இருவரையும் தாக்கி தப்பி சென்றார். அக்கம் பக்கத்தினர் மூவரையும் மருத்துவமனைக்கு கொண்டு சென்றனர். பல்லடம் மருத்துவமனைக்கு கொண்டு செல்லும் வழியில் திருமலைச்சாமி உயிரிழந்தார். சுல்தான் பேட்டை போலீசார் விசாரிக்கின்றனர்.