கிணத்துக்கடவு தினசரி மார்க்கெட்டிற்கு, தக்காளி வரத்து கடந்த வாரத்தை விட, 10 சதவீதம் குறைந்து காணப்பட்டது. இந்நிலையில், விலையும் சரிந்ததால் விவசாயிகள் அதிர்ச்சியடைந்தனர். ஒரு சில காய்கறிகளின் விலையில் மாற்றம் ஏற்பட்டுள்ளது.

விலை நிலவரம் குறித்து வியாபாரிகள் கூறியதாவது:

கிணத்துக்கடவு தினசரி காய்கறி மார்க்கெட்டில், நேற்று தக்காளி பெட்டி (15 கிலோ) 300 ரூபாய் ஏலம் விடப்பட்டது. தேங்காய் ஒன்று 20 ரூபாய்க்கு விற்றது.

கத்தரிக்காய் கிலோ -- 25, முருங்கைக்காய் - 50, வெண்டைக்காய் - 40, முள்ளங்கி --- 15, வெள்ளரிக்காய் - 20, பூசணிக்காய் - 15, அரசாணிக்காய் - 20, பாகற்காய் - 45, புடலை - 15, சுரைக்காய் - 12, பீர்க்கங்காய் - 45, பீட்ரூட் - 30, அவரைக்காய் --- 30, பச்சை மிளகாய் - 40 ரூபாய்க்கு விற்கப்பட்டது.

இதில், கடந்த வாரத்தை விட, தக்காளி (15 கிலோ) 60 ரூபாய், முருங்கைக்காய் கிலோவுக்கு - 100, வெண்டைக்காய் - 15, அரசாணிக்காய், பச்சைமிளகாய், புடலை - 5, பாகற்காய் - 10 ரூபாய் என விலை சரிந்துள்ளது. பீட்ரூட் விலை மட்டும், 5 ரூபாய் உயர்ந்துள்ளது.

இவ்வாறு, கூறினர்.