துடியலூர் அருகே பன்னிமடையில் கிருஷ்ணா மருத்துவமனை இயங்கி வருகிறது. இங்குள்ள மெடிக்கல் ஷாப்பில் நேற்று காலை மின் கசிவு காரணமாக திடீரென தீ விபத்து ஏற்பட்டது. இதில், கடையில் இருந்த சுமார், 8 லட்சம் ரூபாய் மதிப்புள்ள மருந்து மற்றும் மருத்துவ பொருட்கள் எரிந்து நாசமாயின. உயிர் சேதம் இல்லை. கோவை வடக்கு தீயணைப்பு துறையினர் சம்பவ இடத்திற்கு வந்து தீயை அணைத்தனர். தடாகம் போலீசார் விசாரிக்கின்றனர்.