கருமத்தம்பட்டியில் உள்ள புனித ஜெபமாலை அன்னை பசலிக்கா சர்ச், நூற்றாண்டுகள் பழமையானது. இங்கு ஆண்டு தோறும் அக்., மாதம் தேர் திருவிழா சிறப்பாக நடக்கும். இந்தாண்டு தேர் திருவிழா இன்று காலை,8:00 மணிக்கு கொடியேற்றத்துடன் துவங்குகிறது.

தினமும் திருப்பலி, மறையுரை நடக்கிறது. வரும், 4 ம் தேதி கோவை மறை மாவட்ட ஆயர் தாமஸ் அக்குவினாஸ் தலைமையில் கூட்டு பாடல் பலி நடக்கிறது. வரும், 6 ம்தேதி இரவு, 7:00 மணிக்கு அன்னையின் அலங்கார திருத்தேர் பவனி நடக்கிறது.