தமிழ்நாடு அண்ணல் அம்பேத்கர் சுகாதார துப்புரவு மற்றும் பொது பணியாளர் சங்க பொதுச் செயலாளர் செல்வம், மாநகராட்சி கமிஷனருக்கு அனுப்பியுள்ள மனு:

செம்மொழி பூங்காவை முதல்வர் திறந்துவைக்க உள்ள நிலையில், மாநகராட்சி துாய்மை பணியாளர்கள் பூங்கா இடங்களில், சுத்தம் செய்யும் பணியில் ஈடுபட்டுள்ளனர்.

இப்பணியாளர்களுக்கான உணவு, கழிவுகளை ஏற்றி செல்லும் குப்பை வண்டியில் கொண்டு சென்று,மாநகராட்சி நிர்வாகம் வழங்கிவருவது வேதனைக்குரியது. இது மனிதாபிமானமற்ற செயல்; கண்டிக்கத்தக்கது. துாய்மை பணியாளர்களை மனிதராக மதிக்க வேண்டும். ஆனால், குப்பை வண்டியில் கொண்டு சென்று உணவு வழங்குவது, எந்த விதத்தில் நியாயம் என்று தெரியவில்லை. தவறு செய்பவர்கள்மீது உரிய நடவடிக்கை எடுக்க வேண்டும்.

இவ்வாறு, அவர் தெரிவித்துள்ளார்.