கோவையை சேர்ந்த, 12 வயது சிறுமி, தனியார் பள்ளியில் ஏழாம் வகுப்பு படித்து வருகிறார். இவரது உறவினரான, 20 வயது வாலிபர், சிறுமி வசிக்கும் அதே பகுதியில் வசிக்கிறார். கடந்தாண்டு, மே மாதம் முதல் சிறுமிக்கு பாலியல் தொல்லை அளித்து வந்துள்ளார். சிறுமி வீட்டில் ஆள் இல்லாதபோது, அங்குசென்று தவறாக நடந்திருக்கிறார்.

சில நாட்களுக்கு முன், வயிறு வலிப்பதாக, பெற்றோரிடம் அச்சிறுமி தெரிவித்தார். மருத்துவமனைக்கு அழைத்துச் சென்று பரிசோதித்த போது, ஒன்றரை மாதம் கர்ப்பமாக இருப்பதாக டாக்டர் தெரிவித்தார். அதிர்ச்சியடைந்த பெற்றோர், சம்பவம் குறித்து, அனைத்து மகளிர் போலீசில் புகார் அளித்தனர்.

போக்சோ சட்டத்தின் கீழ் போலீசார் வழக்கு பதிந்து, சிறுமியை கர்ப்பமாக்கிய வாலிபரை கைது செய்தனர். தொடர்ந்து, அவரை நீதிமன்றத்தில் ஆஜர்படுத்தி, சிறையில் அடைத்தனர்.