கலை அறிவியல் கல்லுாரியில் 'இக்னீஷியா' (IGNITIA) அறிவியல் கண்காட்சி நடந்தது. 49 பள்ளிகள் பங்கேற்றன. சுகாதாரம் மற்றும் மனித நலன், பேரிடர் தயார்நிலை மற்றும் காலநிலைத் தாங்குதிறன், சமூகத்துக்கான டிஜிட்டல் தொழில்நுட்பம், நிலையான வேளாண் மற்றும் உணவுப் பாதுகாப்பு ஆகிய 4 பிரிவுகளில் 381 திட்டங்கள் பதிவு செய்யப்பட்டன. 7,8ம் வகுப்பு - சுகாதாரம் மற்றும் மனித நலன் பிரிவில் கீதாஞ்சலி பப்ளிக் பள்ளி மாணவர்கள் முதல் மற்றும் இரண்டாம் இடங்களை பிடித்தனர். 8 ம் வகுப்பு மாணவர்கள் மிருதுளா மற்றும் ரகுநந்தன் ஆகியோர் முதல் இடத்தை பெற்று, 6000 ரூபாய் ரொக்கப் பரிசு, பதக்கம் மற்றும் சான்றிதழ்கள் பெற்றனர். 8 ம் வகுப்பு மகேந்திஸ்ரீ மற்றும் சாத்விகா இரண்டாம் இடம் பெற்றனர். அவர்களுக்கு, 3000 ரூபாய் ரொக்கப் பரிசு, பதக்கம், சான்றிதழ் வழங்கப்பட்டன.