கோவை மாவட்டத்தில் விருதுக்காக விண்ணப்பித்த ஆசிரியர்களின் கற்பித்தல் திறன் சரியாக மதிப்பிடவில்லை என்ற குற்றச்சாட்டு எழுந்துள்ளது. கடந்தாண்டு கல்வி அதிகாரிகள், நல்லாசிரியர் விருதுக்கான விண்ணப்பதாரர்களின் பள்ளிகளுக்கு நேரடியாக சென்று, அவர்களின் கற்பித்தல் முறை உள்ளிட்ட செயல்பாடுகளை வீடியோ எடுத்து இணையதளத்தில் பதிவு செய்தனர்.

நடப்பு ஆண்டில் கல்வி அதிகாரிகள் பள்ளிகளுக்கு வரவில்லை என குற்றச்சாட்டு எழுந்துள்ளது. நேரமின்மை காரணமாக அதிகாரிகள் பள்ளிகளுக்கு செல்லவில்லை; நேரடியாக ஆசிரியர்களை நேர்காணலுக்கு அழைத்ததாக கல்வித்துறையினர் தெரிவிக்கின்றனர். இதுகுறித்து விளக்கம் கேட்க, மாவட்ட கல்வி அதிகாரிகளை தொடர்புகொண்டபோது, அழைப்பை அவர்கள் ஏற்கவில்லை.