தொண்டாமுத்தூர் வட்டார தோட்டக்கலைத்துறை உதவி இயக்குனர் நந்தினி தலைமை வகித்தார். வெள்ளை ஈக்களை கட்டுப்படுத்த, தமிழ்நாடு வேளாண் பல்கலை., பூச்சியியல் துறை பேராசிரியர் செங்கோட்டையன் அளித்த ஆலோசனைகள்:

l மஞ்சள் நிற பாலித்தீன் தாள்களை, மரங்களுக்கு இடையில் தொங்க விடலாம் அல்லது 6 அடி உயரத்தில், மரங்களைச் சுற்றியும் கட்டி வெள்ளை ஈக்களை அழிக்கலாம். மஞ்சள் நிற பாலித்தீன் தாள்களாலான ஒட்டுப்பொறிகள் மீது, விளக்கெண்ணையை பூச வேண்டும்.

l விசைத்தெளிப்பான் கொண்டு, மிக வேகமாக தண்ணீரை பீய்ச்சி அடித்தும் கட்டுப்படுத்தலாம். என்கார்சியா ஒட்டுண்ணி குளவிகள் உள்ள, தென்னை ஓலைகளை ஏக்கருக்கு, 10 இலை துண்டுகள் வீதம், தாக்கப்பட்ட ஓலைகளின் மீது இணைத்து கட்டுப்படுத்தலாம்.

l கிரைசோபிட் அல்லது அப்பர்டோக்கிரைசா அஸ்டர் என்ற இரை விழுங்கி முட்டைகளை ஏக்கருக்கு 400 வீதம் தாக்கப்பட்ட ஓலைகளில் மீது இணைத்து கட்டுப்படுத்தலாம்.

l சுருள் இலை ஈக்களின் தாக்குதலில், பின் விளைவாக ஏற்படும் கரும்பூசணத்தை கட்டுப்படுத்த ஒரு கிலோ மைதா மாவை, 5 லிட்டர் தண்ணீரில் கொதிக்க வைத்து, அதன் பின், 20 லிட்டர் தண்ணீரில் கலந்து தெளிக்க வேண்டும்.

l விளக்குபொறியினை ஏக்கருக்கு இரண்டு வீதம் மாலை, 6:00 முதல் இரவு, 10:00 மணி வரை ஒளிரச் செய்ய வேண்டும். வேப்ப எண்ணெய் லிட்டருக்கு 30 மி.லி., என்ற வீதத்தில் கலந்து நேர் வழியாக செலுத்தலாம்.

இவ்வாறு, அவர் ஆலோசனை வழங்கினார்.

இம்முகாமில், ஏராளமான விவசாயிகள் கலந்து கொண்டு பயன்பெற்றனர்.