விழாவின் ஒருபகுதியாக, நர்சிங் கல்லுாரி மாணவர்களுக்கு போட்டி நடந்தது. கண்தான முக்கியத்துவம் குறித்து பொதுமக்களுக்கு விழிப்புணர்வு ஏற்படுத்தப்பட்டது.

அரசு மருத்துவமனையில் இதுவரை 50க்கு மேற்பட்ட விழிகள் தானமாக பெறப்பட்டு, பார்வை இழந்தவர்களுக்கு மறுவாழ்வு அளிக்கப்பட்டுள்ளது.

மாவட்ட கண் பார்வை இழப்பு தடுப்பு சங்க திட்ட மேலாளர் டாக்டர் சரவணன் கூறுகையில், ‘‘இந்தியாவில் கருவிழி பாதிப்பால் பார்வை இழந்தவர்களின் எண்ணிக்கை அதிகரித்து வருகிறது. இதுசார்ந்த விழிப்புணர்வை அதிகரிக்கவே ஆண்டுதோறும் ஆக.25 முதல் செப்.8 வரை இரு வாரங்கள் கண்தான விழிப்புணர்வு விழா அனுசரிக்கப்படுகிறது,’’ என்றார்.