இவரது மனைவி ஜெயக்கொடிக்கு,70, கடந்த, 2022, ஜூலை, 21ல், உடல்நிலை பாதிக்கப்பட்டதால், தனியார் மருத்துவமனையில் சேர்க்கப்பட்டார். நுரையீரல் வீக்கம் பாதிப்புக்கு சிகிச்சை அளிக்கப்பட்டது.

இதற்கான மருத்துவ கட்டணம், 4.46 லட்சம் ரூபாய் வழங்கக்கோரி, யுனைடெட் இந்தியா இன்சூரன்ஸ் நிறுவனத்துக்கு விண்ணப்பித்தார். 2.32 லட்சம் ரூபாய் மட்டும் மருத்துவ செலவுக்கு வழங்கப்பட்டது.

மீதி தொகை, 2.14 லட்சம் வழங்கக்கோரி நோட்டீஸ் அனுப்பினார். அதற்கு, அதிகபட்ச தகுதி தொகை ஏற்கனவே வழங்கப்பட்டுள்ளதாக கூறி, மீதி பணம் வழங்காமல் இன்சூரன்ஸ் நிறுவனம் நிராகரித்தது. இழப்பீடு கோரி, கோவை நுகர்வோர் குறைதீர் ஆணையத்தில் வழக்கு தாக்கல் செய்தார்.

விசாரித்த ஆணைய தலைவர் தங்கவேல் மற்றும் உறுப்பினர்கள் பிறப்பித்த உத்தரவில், 'இன்சூரன்ஸ் நிறுவனம், மனுதாரருக்கு இழப்பீடாக, 50,000 ரூபாய், வழக்கு செலவு, 5,000 ரூபாய் வழங்க வேண்டும்' என தெரிவித்துள்ளனர்.